執子之手

終於安位

jcfc1212 — Wed, 21 May 2008 17:39:52 +0800

過咗差不多一年, 終於抽到位, 可以安放爸爸的骨灰. 咁啱之前有新聞節目提到, 骨灰位供不應求, 有d等咗好耐都無位. 而家抽到合適的位置, 可以算係了咗件心事.

之前爸爸的骨灰寄存係長生店, 地方淺窄, 唔方便太多人逗留, 更加唔方便帶小朋友去, 所以只有祝同媽媽, 哥哥去拜祭. 安位之後, 我地可以帶進進同敏敏, 仲有聰哥哥同智弟弟去探爺爺啦. 爸爸咁鍚d 孫, 一定好掛住佢地, 而且佢都無抱過阿智同敏敏, 咁快就走咗…

爸爸, 我都好掛住你, 你好嗎?

進進- 16個月大

jcfc1212 — Mon, 12 May 2008 17:32:47 +0800

自從進進適應了妹妹的出現後, 你的好奇心和學習開始回復了, MaMa 見到你的進步, 也放心了.

(閱讀全文)

姐姐嚟啦!

jcfc1212 — Mon, 12 May 2008 17:26:10 +0800

2月尾正式申請, 等咗2個幾月, 姐姐終於嚟. 真人同視像見到嘅都差唔遠, 暫時嚟講都ok. 算係放心咗d.

第一次請人, 唔知有無揀錯呢? 我之前一路都唔想多個外人係屋企, 不過而家得我一個湊兩個b 實搞唔掂, 想唔搵人都唔得. 眼前最緊要係佢可以幫到手, 大家溝通到, 又唔會古惑就得啦.

叫祝攞幾日AL 留係屋企, 一嚟幫下手睇住大細B, 等我有時間教姐姐做嘢, 最主要係得我一個人始終有d 怯, 都係要搵個人壯下膽, 有乜突發事件都定d.

希望姐姐同我地夾得嚟, 起碼可以做到完約啦, please.

一齊返屋企

jcfc1212 — Sun, 11 May 2008 16:13:36 +0800

自從進進4個月大交俾婆婆湊之後, 我都搬咗去公公屋企住, 祝就過住"兩頭住家"嘅生活, 只有周未同假期, 我地先一齊返陳宅"渡假". 咁樣嘅生活, 過咗差不多一年. 隨著妹妹出世, 姐姐亦即將嚟, 我地一家四口, 終於一齊搬返將軍澳屋企, 展開新生活.

(閱讀全文)

敏敏- 2個月大

jcfc1212 — Fri, 09 May 2008 16:10:32 +0800

短短兩個月, 妹妹便得了一個花名: 扭計豬! 因為和哥哥相比, 妹妹在吃和睡都比較難應付, 而這兩項正是一個初生bb 每天大多數時間做的活動, 那即是妹豬每天很多時候都在扭計!!! 呵~呵~呵~欠~~~

(閱讀全文)

撞到眼角, 好痛好痛

jcfc1212 — Tue, 15 Apr 2008 15:44:20 +0800

進進由懂得爬開始, 不時都會撞這碰那. 今天受傷事件又現, 但今次真的嚇壞MaMa, 因為只差一點點, 便傷到眼睛!

進進每天早上也會在梳化床玩, 但因為你只會從上邊跨步"行" 落去, 還未學懂安全地爬下來, 所以我們習慣了用餐椅欄著梳化床的床邊, 以防你跌倒. 平時是椅背靠著床邊, 但不知為什麼, 今天是坐椅位置向著梳化床, MaMa 看到後也沒有深究, 照常的與進進在梳化床玩耍.

玩著玩著, 進進看到心愛的電視搖控, 正想伸手拿起, MaMa 比你快半步取回, 立即起身把它放好. 就在MaMa 行了一步之際, MaMa 眼角見到進進起身要走, 但已經失重心的向前跌. MaMa 轉身想扶著進進, 可惜為時已晚, 你的頭已經撞到餐椅, 還要正正撞向椅角!!!

(閱讀全文)

進進- 15個月大

jcfc1212 — Sat, 12 Apr 2008 20:38:53 +0800

這個月是進進的適應月, MaMa 發現你要差不多一個月時間, 才漸漸適應到"家中多了妹妹"這個轉變.

(閱讀全文)

我叫陳悅敏

jcfc1212 — Sat, 12 Apr 2008 16:51:19 +0800

妹妹的名字, 不用跟著族譜去起, 因此可以隨著DadDad MaMa 的喜好而想. MaMa 以為隨心所欲, 那起妹妹的名字的速度應該比起哥哥的要快. 但因為範圍大了, 想這又想那, 三心兩意的拿不定主意, 結果, 又是到了免費取出世紙的限期, 才決定到妹妹的名字.

我叫: 陳悅敏!

悅, 當然代表了喜悅. 又因為與"越" 同音, 這便和哥哥的"益"字有些關連, 都有日益的意思.

敏, 除了聰敏, 也和"閩"同音. 閩是你的家鄉啊. 將來等你和哥哥大些, DadDad MaMa 帶你們回去遊玩, 好嗎?

敏敏, 希望你會喜歡你的名字, 更希望你健康快樂的成長.

~ 1個月 ~

妹妹滿月啦!

jcfc1212 — Wed, 09 Apr 2008 17:59:18 +0800

不知不覺間, 妹妹出世一個月了. 這次沒有像進進那時一樣, 兩家人到酒樓吃一頓飯慶祝. 不是我們偏心, 或者什麼重男輕女, 只是今年爺爺不在, 我們也不辦大型活動了. 不如這樣吧, 留待妹妹一歲生日時, DadDad MaMa 和進哥哥再與你好好慶祝一番. 不過, 我們誰也沒有忘記妹豬的滿月, 你還收到不少利是, 而婆婆也特地弄了一桌子的餸, 算是一起和妹豬慶祝啊.

(閱讀全文)

亂

jcfc1212 — Fri, 21 Mar 2008 16:28:20 +0800

總括這幾天的生活, 有一個字很貼切, "亂"!

(閱讀全文)

甩臍帶啦

jcfc1212 — Thu, 20 Mar 2008 00:00:11 +0800

MaMa 幫妹妹洗白白, 最怕的, 但必須要的程序, 就是洗肚臍. 雖然MaMa 之前有經驗, 姑娘又說幫BB 洗肚臍時, 其實你是不會痛的, 但每次洗時, 妹妹都會嚎啕大哭, 而且每次都抹到血跡, 因此弄得MaMa 膽戰心驚, 洗又不是, 不洗又不行. 加上妹妹的臍帶夾很細, MaMa 拿著時都害怕會太大力弄斷, 所以MaMa 很想妹妹的臍帶快些脫落, 那大家也不用再"受苦".

等了個多星期, 妹妹的臍帶終於乾了掉下來. 那是你與MaMa 最直接的連繫, MaMa 會好好的把它收藏起來, 讓你長大了看看, 到時候你會感興趣嗎?

~ 初生 ~

健康院檢查 - 第二回

jcfc1212 — Tue, 18 Mar 2008 16:44:24 +0800

今天妹妹又去街街啦! 其實都是去健康院檢查. 不知道妹豬退黃退得怎麼樣呢, 只要不比之前差, MaMa 便放心.

妹豬比前幾天又重了些, 過了3kg, 也超過了出世時的體重, 追回因收水而減少了的體重. 黃呢已經完全退了, 所以妹妹不用再回健康院做初生檢查啦! 對MaMa 來說, 真的是一個驚喜, 你不單止不用抽血, 而且只是檢查了兩次便行, 很叻叻呀! 可能真的如姑娘說的: 吃多些, 柯多些, 退黃退快些. MaMa 每兩個多鐘便叫妹妹吃奶, 就是想你吃多一點, 不要有黃. 現在看來成功了, 希望餵媽媽奶也可成功.

妹妹體重 (1w 2d): 3.23 kg

~ 初生 ~

健康院檢查 - 第一回

jcfc1212 — Fri, 14 Mar 2008 16:14:04 +0800

今天DadDad MaMa 又要妹妹去檢查, 不過這次是去健康院, 路程很近, 就在公公家對面. 記得進進那時退黃不大理想, 隔兩三天便去, 去了一共五, 六次, 頭幾次更要拮腳版抽血, 我們看得心痛. MaMa 硬是覺得妹妹看上去有些黃, 有點擔心啊, 希望不會嚴重到要照燈吧.

到達後先量體重. 妹妹比昨天重了少許 (不夠0.1kg), 有進步啊. 見完姑娘, 循例問些問題, 便見醫生了,MaMa 竟然有些緊張. 醫生說妹妹黃的程度正常, 沒有什麼問題, 不需要抽血, 隔幾天再來監察著體重便行. MaMa 心裏暗暗叫好, 妹妹不用拮腳仔痛痛便可離開, 你真的很叻豬啊.

妹妹體重 (6d): 2.96 kg

~ 初生 ~

一起檢查去

jcfc1212 — Thu, 13 Mar 2008 18:28:30 +0800

下午MaMa 和妹妹要返回醫院, 分別作例行的產後和初生檢查. 只是回家一天, 又要 "山長水遠" 的乘的士去, 加上剛巧DadDad 有事要辦, 所以真的有點不想去, 不過為了監察著妹豬的生長, 所以MaMa 只好乖乖的依時帶妹妹回去, 辛苦了DadDad 要趕來趕去了.

(閱讀全文)

進進- 14個月大

jcfc1212 — Wed, 12 Mar 2008 16:26:42 +0800

進進這個月最大的變化是… 做哥哥啦! 其實妹妹的預產期是3月尾- 4月初, MaMa 還以為進進要到差不多15個月大才當哥哥, 想不還差兩天才到14個月大, 你便做大哥哥了.

(閱讀全文)